Kerala PSC - Study Material on Epidemic [മഹാമാരികൾ]

---

മഹാമാരികൾ 

1.  ആന്റോണിൻ പ്ലേഗ് (165-180)

♣	റോമിലാണ് ഈ പ്ലേഗ് പടർന്ന് പിടിച്ചത്.
♣	50 ലക്ഷം പേർ മരിച്ചെന്നാണ് കണക്ക്.
♣	ഏഷ്യ, ഈജിപ്ത്, ഇറ്റലി, ഗ്രീസ് തുടങ്ങിയ പ്രദേശങ്ങളെയാണ് ഏറ്റവും കൂടുതൽ ബാധിച്ചത്.
♣	ഏഷ്യയിൽ യുദ്ധത്തിന് പോയി മടങ്ങിയ റോമൻ പട്ടാളക്കാരാണ് രോഗം യൂറോപ്പിലേക്ക് എത്തിച്ചതെന്ന് കരുതുന്നു.

2. ജസ്റ്റീനിയൻ പ്ലേഗ്  (541 - 542)

♣	ഇന്നത്തെ തുർക്കിയിൽ ഉൾപ്പെടുന്ന കോൺസ്റ്റാന്റിനോപ്പിളിലും സമീപ തുറമുഖ നഗരങ്ങളിലും പടർന്ന് പിടിച്ചു.
♣	2.5 കോടി ജനങ്ങളാണ് മരിച്ചത്. അന്നത്തെ ലോക ജനസംഖ്യയുടെ 13 ശതമാനത്തോളം.
♣	അന്നത്തെ റോമൻ ചക്രവർത്തി ജസ്റ്റീനിയന്റെ പേരാണ് രോഗത്തിന് പിന്നീട് ലഭിച്ചത്.

3.  കറുത്ത മരണം (The Black Death - 1346 -1353)

♣	മധ്യകാല ഘട്ടത്തിലെ ഏറ്റവും വലിയ പ്ലേഗ് മഹാമാരി.
♣	യൂറോപ്പിലെ ജനസംഖ്യയുടെ 60% പേർ മരിച്ചുവെന്ന് കണക്ക്.
♣	ലോകമെങ്ങുമായി 20 കോടി പേർ മരിച്ചിട്ടുണ്ടാകാമെന്നു വിലയിരുത്തപ്പെടുന്നു.
♣	ഏഷ്യയിൽ ആരംഭിച്ച് വാണിജ്യ കപ്പലുകൾ വഴി രോഗം യൂറോപ്പിലെത്തിയെന്നാണ് കരുതുന്നത്.
♣	ആഫ്രിക്കയിലും പ്ലേഗ് ആഞ്ഞടിച്ചു.

4.  കൊക്കോലിറ്റ് സ്ലി മഹാമാരി (1576)

♣	മെക്സിക്കോയിൽ പടർന്ന് പിടിച്ചു.
♣	ചില പ്രാണിവർഗങ്ങളുടെ ആധിക്യമായിരുന്നു കാരണം.
♣	മരിച്ചത് ലക്ഷക്കണക്കിന് പേർ.

5.  മൂന്നാം കോളറ (1852-1860)

♣	ശുദ്ധമല്ലാത്ത ജലത്തിലൂടെയും ഭക്ഷണത്തിലൂടെയും ബാക്ടീരിയ വഴി പകരുന്ന രോഗമാണ് കോളറ.
♣	ഇന്ത്യയിൽ ആരംഭിച്ച് ലോക മുഴുവൻ ബാധിച്ച മൂന്നാം കോളറ മഹാമാരിയാണ് ലോകത്ത് റെക്കോർഡ് ചെയ്യപ്പെട്ടിട്ടുള്ളതിൽ വച്ച് ഏറ്റവും വലിയ കോളറ ബാധ. 10 ലക്ഷം പേർ മരിച്ചു. ബ്രിട്ടനിൽ മാത്രം 23,000 പേർ മരിച്ചു.

6.  മൂന്നാം പ്ലേഗ് മഹാമാരി (1855)

♣	ആധുനിക കാലഘട്ടത്തിലെ ഏറ്റവും ഭീതിതമായ പ്ലേഗ് ബാധ.
♣	ചൈനയിൽ ആരംഭിച്ച് ഹോങ്കോങ് വഴി ലോകത്തിലെ വിവിധ തുറമുഖ നഗരങ്ങളിലേക്ക് പടർന്നു.
♣	ഒരു കോടി പേർ മരിച്ചു.

7.  ആറാം കോളറ (1910-11)

♣	ഇന്ത്യയിൽ ആഞ്ഞടിച്ച ആറാം കോളറ മഹാമാരി 8 ലക്ഷം പേരുടെ ജീവനാണെടുത്തത്.

8.  സ്പാനിഷ് ഫ്ലൂ (1918)

♣	ആധുനിക മനുഷ്യ ചരിത്രത്തിൽ ഏറ്റവുമധികം മരണം വിതച്ച മഹാമാരി.
♣	2 കോടിക്കും 5 കോടിക്കും ഇടയിൽ മരണസംഖ്യ.
♣	ലോക ജനസംഖ്യയിലെ മൂന്നിലൊന്നു ശതമാനം പേർക്കും പനി ബാധിച്ചു.

9.  ടൈഫസ് പനി (1945)

♣	ശരിയായ ശുചിമുറി സൗകര്യങ്ങളുടെ അഭാവം മൂലം പടർന്ന് പിടിച്ച പനി.
♣	റഷ്യയിൽ മാത്രം 30 ലക്ഷം പേരുടെ മരണത്തിനു കാരണമായി.

10.  ഏഷ്യൻ ഫ്ലൂ (1956-58)

♣	1956 ൽ ചൈനയിലാണ് ആരംഭം.
♣	അമേരിക്കയിലേക്ക് വളരെ വേഗം വ്യാപിച്ചു.
♣	യു.എസിൽ 69,000 പേരുടെ മരണത്തിന് ഇടയാക്കി.
♣	20 ലക്ഷമാണ് ആകെ മരണ സംഖ്യ.

11.  ഹോങ്കോങ് ഫ്ലൂ (1968)

♣	ഹോങ്കോങ്ങിലെ 1968 ലെ ജനസംഖ്യയുടെ 15 ശതമാനത്തേയും കൊന്നൊടുക്കിയ ഫ്ലൂ.
♣	ലോകത്താകെ 10 ലക്ഷം പേരുടെ മരണത്തിനു കാരണം ഇതിൽ 5 ലക്ഷം  പേരും ഹോങ്കോങ്ങുകാരായിരുന്നു.
♣	സിംഗപ്പൂർ, ഇന്ത്യ,ആസ്ട്രേലിയ, യൂറോപ്യൻ രാജ്യങ്ങൾ ഫിലിപ്പീൻസ്, അമേരിക്ക തുടങ്ങിയ രാജ്യങ്ങളിലൊക്കെ പടർന്നു.

12.  എച്ച്.ഐ.വി.എയ്ഡ്സ്  (1981 മുതൽ)

♣	ആഫ്രിക്കയിലെ ചിമ്പാൻസികളിൽ നിന്ന് മനുഷ്യനിലേക്ക് ആദ്യമായി എച്ച്.ഐ.വി. രോഗം പകർന്നു വെന്ന് കരുതപ്പെടുന്നു.
♣	1981 ലാണ് ഈ രോഗം ലോകശ്രദ്ധയിലെത്തുന്നത്.
♣	ഇതുവരെ നാല് കോടി പേർ മരിച്ചു.
♣	ലോകത്ത് 6.5 കോടി പേർ എച്ച്.ഐ.വി. പോസിറ്റീവ് ആയി ജീവിക്കുന്നു.
♣	പ്രതിരോധ മരുന്നുകൾ വഴി രോഗികളുടെ ജീവിത ദൈർഖ്യം മുൻ കാലങ്ങളിലേക്കാൾ ഏറെ നീട്ടാനാകുന്നു എന്നത് മാത്രമാണ് നിലവിലെ ഏക ആശ്വാസം.
♣	സുരക്ഷിതമല്ലാത്ത ലൈംഗിക ബന്ധം, രക്തദാനം, ലഹരിമരുന്നുപയോഗം തുടങ്ങിയവ മൂലം വൈറസ് ഒരാളിൽ നിന്ന് മറ്റൊരാളിലേക്ക് പകരാം.

13.  കോളറ 

♣	ബാക്ടീരിയ പടർത്തുന്ന രോഗമാണ് കോളറ.
♣	വർഷംതോറും 13 ലക്ഷം മുതൽ 40 ലക്ഷം വരെ കോളറ കേസുകൾ.
♣	21,000 മുതൽ ഒന്നര ലക്ഷം വരെ പേരുടെ മരണവും സംഭവിക്കുന്നു.

14.  ക്ഷയം 

♣	ലോകജനസംഖ്യയിൽ മൂന്നിലൊന്നു പേരുടെയുള്ളിൽ ക്ഷയ രോഗാണുക്കളുണ്ടെന്നു ലോകാരോഗ്യ സംഘടന.
♣	വർഷം 80 ലക്ഷം പേർ വീതം രോഗബാധിതരാകുന്നു.
♣	ലോകമാകെ 20 ലക്ഷം പേർ ഓരോ വർഷവും ക്ഷയരോഗം ബാധിച്ചു മരിക്കുന്നു.

15.  എബോള 

♣	വവ്വാലുകളിൽ നിന്നും മറ്റും പടരുന്ന വൈറസ്.
♣	രോഗം ബാധിച്ചവരുടെ സ്രവങ്ങളുമായി സമ്പർക്കത്തിൽ വരുന്നവരിലേക്ക് വളരെ എളുപ്പത്തിൽ രോഗ പടരും.
♣	1976 ലാണ് എബോള വൈറസ് ടെ സാന്നിദ്ധ്യം ആദ്യം കണ്ടുപിടിക്കുന്നത്.
♣	എബോള നദിയുടെ തീരത്തുള്ള ആഫ്രിക്കയിലെ പ്രദേശങ്ങളിലാണ് രോഗം കൂടുതൽ കാണപ്പെടുന്നത്.
♣	വവ്വാലുകൾ കടിച്ച പഴങ്ങൾ കഴിച്ച കുരങ്ങ്,ചിമ്പാൻസി തുടങ്ങിയ മൃഗങ്ങളിൽ നിന്ന് മനുഷ്യനിലേക്ക് പടർന്നു.
♣	2014-16' വർഷങ്ങളിൽ പടിഞ്ഞാറൻ ആഫ്രിക്കയിലാണ് ഏറ്റവും മാരകമായ എബോള ബാധ പൊട്ടിപ്പുറപ്പെട്ടത്.
♣	സിയറ ലിയോൺ, ലൈബീരിയ, ഗിനിയ എന്നീ രാജ്യങ്ങളിൽ മാത്രം 11,000 ആയിരുന്നു മരണസംഖ്യ.

16.  ഡെങ്കിപ്പനി 

♣	കൊതുകുകൾ പകർത്തുന്ന രോഗം.
♣	2014 നു ശേഷം ലോകമെങ്ങും ഈ രോഗം നാലുമടങ്ങു വർദ്ധിച്ചതായി കണക്കുകൂട്ടുന്നു.
♣	കൂടുതലും ഉഷ്ണമേഖലാ പ്രദേശങ്ങളിലാണിത് കാണുന്നത്.
♣	പ്രതിവർഷം ലോകമെങ്ങുമായി 5 കോടി പേരെ ഡെങ്കിപ്പനി ബാധിക്കുന്നു.
♣	ഇന്ത്യ ഉൾപ്പെടെ നൂറോളം രാഷ്ട്രങ്ങൾ ഗുരുതര ഡെങ്കിപ്പനി ബാധയുടെ ഭീഷണിയിലാണ്.

17.  മെർസ് (Middle East Respiratory Syndrome)

♣	ഒരു വിഭാഗത്തിൽപ്പെട്ട കൊറോണ വൈറസ് പടർത്തുന്ന രോഗമാണ് മെർസ്.
♣	2012 സെപ്റ്റംബറിൽ ലോകത്ത് ആദ്യമായി കണ്ടുപിടിച്ചു.
♣	മെർസ് രോഗം ബാധിച്ച് 700 പേർ മരിച്ചതായാണ് കണക്കുകൾ.
♣	ഭൂരിഭാഗം മരണവും സൗദി അറേബിയയിൽ.
♣	ഒട്ടകങ്ങളിൽ നിന്നാണ് മനുഷ്യനിലേക്ക് രോഗം പടർന്നതെന്നു കരുതുന്നു.
♣	27 രാജ്യങ്ങളിൽ മെർസ് ബാധ റിപ്പോർട്ട് ചെയ്യപ്പെടുകയുണ്ടായി.
♣	2494 പേർക്കാണ് രോഗം ബാധിച്ചത്.

18.  എച്ച് 1 എൻ 1 

♣	അമേരിക്കയിൽ  2009 ൽ ആരംഭിച്ച് ലോകമെങ്ങും പടർന്ന് പിടിച്ച വൈറസ്.
♣	ഒന്നര ലക്ഷത്തിനും അഞ്ചു ലക്ഷത്തിനും ഇടയിൽ മരണസംഖ്യ.

19.  നിപ (Nipah)

♣	സമീപകാലത്തു കേരളത്തെ ഭീതിയിലാഴ്ത്തിയ രോഗമാണ് നിപ.
♣	മലേഷ്യയിലെ പഴം തീനി വവ്വാലുകളിൽ നിന്നാണ് രോഗം മനുഷ്യനിലേക്ക് ആദ്യമായി പടർന്നതെന്ന് കരുതുന്നു.
♣	1999  ലാണ് ആദ്യമായി കണ്ടെത്തിയത്.
♣	മലേഷ്യയിൽ ഈ രോഗം കണ്ടെത്തിയ സ്ഥലത്തിൻടെ പേരാണ് രോഗത്തിന് നൽകിയിരിക്കുന്നത്.
♣	ലോകത്താകെ നൂറിലേറെപ്പേർ അന്ന് മരിച്ചു.

20.  സാർസ് (Severe Acute Respiratory Syndrome)

♣	2002 ൽ ചൈനയിലാണ് ആദ്യമായി റിപ്പോർട്ട് ചെയ്തത്.
♣	774 പേർ മരിച്ചു.

---

---